Une flabe nere zirade a S. Vît de Tor e Triest

A van indenant i apontaments cul cine regjonâl al Visionario di Udin. Martars ai 14 aes 8 di sere il regjist Lorenzo Bianchini, specializât in cine ‘di orôr’, al sarà ospit par presentâ “L’angelo dei muri” (l’agnul dai mûrs), une flabe nere penze zirade a Triest e S. Vît de Tor, interpretade dal grant Pierre Richard cu la fotografie di Peter Zeitlinger. Prodot de Tucker Film cun Rai Cinema e MYmovies e cu la poie dal Ministeri de culture e la FVG Film Commission, e je la storie di un vecjo intun vieli palaç di Triest che, par no jessi sfratât, al continue a vivi di scuindon dentri cjase. (A.I.) – 13.02.2023