I tifôs dal Udin a sivilin la scuadre daspò di une altre pate

Ae fin de enesime pate in cjase – dulà che la scuadre no vinç di Setembar -, il public al à sivilât fintremai l’Udin. La Curva Nord, daspò de partide cuintri il Sassuolo (2-2 ae fin), si è fate puartevôs de delusion dai tifôs. Cuant che i zuiadôrs si son svicinâts par saludâ ae fin de partide, al è stât ancje un confront cul cjapitani Pereyra e cun Padelli. Lis critichis no son plasudis masse al alenadôr Sottil, che in conference stampe al à fat notâ che i 30 ponts e il setim puest dal Udin a son dut câs tant miôr a pet di un an indaûr, cuant che la scuadre e jere cetant plui in bas. (A.I.) – 13.02.2023