133
A Cinemazero a van indevant lis anteprimis de decime seste edizion dal Pordenone Docs Fest. Joibe ai 16, aes 8.45 sot sere, proiezion di “Via Argine 310”, pe regjie di Gianfranco Pannone, un documentari su la vicende dai ex lavoradôrs de Whirpool di Napoli, licenziâts dopo une mobilitazion lade indevant par trê agns par evitâ la sierade de fabriche. Fat cui stes operaris che a vevin dât vite al presidi, il documentari – cu la vôs che e conte di Alessandro Siani – al è daûr a zirâ la Italie dopo la ‘prime’ ae Fieste dal cine di Rome. (A.I.) – 15.02.2023
