E mûr sot di une machine dongje dal Stadio Friuli

Tragjedie a Udin pôc prin des vot di matine. Une femine e à pierdût la vite dopo jessi stade tirade sot di une veture intant che e jere daûr a cjaminâ dongje dal Stadio Friuli/Dacia Arena. La clamade al Nue 112 e je stade imediade e i infermîrs dal Sores a àn inviât daurman sul puest la machine di emergjence mediche e la ambulance, e ancje lis fuarcis dal ordin. I socors a son stâts dibant, purtrop, par lis feridis une vore grivis ripuartadis. La dinamiche dal incident e je ancjemò di sclarî. (A.I.) –  15.02.2023