I ‘paris’ dal fumet mondiâl in mostre a Pordenon

Si intitule “Strip Art. Sogni e realismo nei primi maestri del fumetto” il gnûf progjet ospitât al PAFF! di Pordenon: une mostre uniche intal so gjenar par varietât, cualitât e raritât des oparis. Une buine part e je presentade pe prime volte al public. La esposizion, partide di Jesi e par cure di Alessio Trabacchini e Giovanni Nahmias, e sarà screade sabide ai 18, aes 11.30 de matine. In esposizion plui o mancul 50 oparis origjinâls raris e di grant formât, cun grancj nons dal fumet des origjins, fin ai agns ‘40 dal secul passât. Nons tant che Winsor McCay, autôr di Little Nemo, George Herriman, l’ideadôr di Krazy Kat, Elzie Chrisler Segar, il pai di Popeye – Braccio di Ferro, e tancj altris. (A.I.) – 17.02.2023