Ancje i citadins europeans a puedin votâ a Udin

I citadins de Union Europeane residents in Italie a puedin votâ tal Comun di residence in ocasion des elezions comunâls dai 2 e 3 di Avrîl dal 2023.

Par meti in vore il dirit di vôt si à di presentâ une domande ae direzion e-mail protocollo@pec.comune.udine.it dentri dai 21 di Fevrâr dal 2023 midiant dal modul dipueste che si cjate tal sît https://www.comune.udine.it/it/aree-tematiche-27397/elezioni-161079/voto-dei-comunitari-161083.

L’esit positîf de domande al puarte ae sô iscrizion te “liste eletorâl zontade” e, in reson di chel, po dopo si à la emission de tessare eletorâl personâl di ritirâ in Comun in Vie Beato Ododico da Pordenone 1. (A.D.G.) – 16.02.2023