Une oparete di sucès cence timp al ‘Giovanni da Udine’

Une oparete cence timp martars ai 21 al Teatri Gnûf ‘Giovanni da Udine’, scrite e metude in musiche de cubie mitiche Lombardo-Ranzato ae fin dal 1923, “Il paese dei campanelli” e je une rapresentazion storiche une vore preseade, che e continue a otignî un grant sucès, ancje pe ambientazion cuasi di flabe. Il spetacul che al rive a Udin, cuntune produzion lizere, ma cu la orchestre dal vîf, al è de Compagnie Storica Corrado Abbati, cu lis coreografiis dal Balletto di Parma, che al presente un spetacul sflandorôs e di bon gust. (A.I.) – 20.02.2023