I flums di Pordenon a deventin un spetacul

Joibe ai 23 a Pordenon, cu la poie de Regjon Friûl-Vignesie Julie e in colaborazion cul Comun di Pordenon, si presente il cine documentari “Andar per acque – la navigazione fluviale Noncello Meduna Livenza” di Bruna Braidotti e Giulio Ferretti, pes realizazions video di Maurizio Caldana e cu lis vôs de Braidotti e di Paolo Mutti. Il cine al sarà proietât in presince dai autôrs aes 6 dal dopomisdì dongje l’Ex Convent di S. Francesc. Il lavôr, une opare divulgative su la cognossince dai flums Nunciel, Midune e Livence, al racuei cuarante agns di ricercjis di Ferretti, che al à dedicât il so impegn ae culture e ae tutele dai flums, e i 25 agns de Braidotti, che di chi e à fat nassi cu la sô Compagnia di Arti e Mestieri il setôr particolâr de dramaturgjie fluviâl. (A.I.) – 21.02.2023