166
Si siere joibe ai 23 aes 3.30 dal dopomisdì – ae Cjase dal student – Auditorium “Lino Zanussi” di Pordenon, la decime cuinte edizion di “Narratori d’Europa”, il cicli di incuintris sui autôrs e sui romançs promovût dal IRSE, Istitût Regjonâl di Studis Europeans, par cure di Stefania Savocco. Une rassegne che di cuindis agns e favorìs la condivision e il coment incrosât des leturis. E che in cheste edizion e met a fûc lis incuietudins dal passaç de adolessence ae etât adulte. In program intervistis curadis di Piero Dal Poz: si fevelarà di “Libera. Diventare grandi alla fine della storia”, il romanç de autore albanese Lea Ypi, che e torne indaûr tai Agns Otante. (A.I.) – 22.02.2023
