Su domande de Sale Operative Emergjence Regjonâl Sanitarie (Sores), lis Vuardiis dal fûc dal distacament di Tumieç a son intervignudis aes 3 dal dopomisdì di vuê par socori un om intai boscs di Assais a Verzegnis.
Rivâts dongje dal lûc indicât, lis Vuardiis dal fûc cjargnelis si son cjatadis cul personâl dal Socors Alpin de Vuardie di Finance, personâl sanitari e volontaris dal Cnsas e a son rivâts lì dal infortunât. L’om, intant che al jere daûr a taiâ cierts arbui cu la motosee, al è stât cjapât sot di une plante che si è crevade procurantji variis lesions.
Dopo lis primis curis, fatis dal personâl sanitari, il ferît al è stât poiât dentri di un speciâl bareglot e traspuartât dal personâl des Vuardiis dal fûc e de Vuardie di Finance, fin lì dal parc dulà che al è dopo stât cjariât su la ambulance che lu à puartât intal ospedâl pes curis. (A.D.G.) – 22.02.2023
