A Gardiscje l’atôr e il public a condividin lis stessis emozions

Inte Sala Bergamas di Gardiscje e torne dai 27 di Fevrâr ae fin di Jugn, cun vot gnûfs titui (la matine aes 10 e replichis serâls aes 8.30), la rassegne “Innesti”. Dopo il sucès in Sierade cu la prime part dai spetacui, la rassegne ideade di ArtistiAssociati – Centri di Produzion Teatrâl, e puartarà intune esperience imersive dulà che l’atôr e il public a condividin il stes spazi e lis stessis emozions. Diviers i temis tratâts, diviersis lis prospetivis: la atualitât de vuere e sarà al centri dal spetacul di teatri documentari che al fevele a dutis lis gjenerazions “From Syria: is this a child?”, che al vierzarà la rassegne dai 27 di Fevrâr al 1n di Març. (A.I.) – 23.02.2023