Electrolux: normis a poie dal setôr “blanc” domandadis de Serracchiani

“Il ministri des Impresis e dal Made in Italy e il ministri dal Lavôr che a fevelin diret cul grup Electrolux par sclarî, di là des gnovis di stampe, se a sedin ipotesis di vendite a multinazionâls o di lôr jentradis intal grup azionari de societât svedese. E a metin in vore misuris anticrisi pal setôr”. Lu domande il cjâf grup Pd ae Cjamare Debora Serracchiani, intune cui coleghis Vinicio Peluffo e Mauro Laus, intune interogazion ai ministris des Impresis e dal Made in Italy e al ministri dal Lavôr, su la situazion de Electrolux e dal setôr dal eletrodomestic.
Pal cjâf grup dal Partît democratic il Guvier al scugnarès ”valutâ la introduzion di normis specifichis di acompagnament e infuartiment al bonus grancj eletrodomestics a poie dal setôr dal ‘blanc’ e dal indot a chel leât, par contignî la crisi produtive e i riflès sul plan ocupazionâl”.
“Il MIMIT al lavori par prevignî crisis dificilis di sostignî – e zonte Serracchiani – in câs cjatant i sogjets industriâi tant che Electrolux, in maniere simile a cetant fat ai 21 di Fevrâr cui rapresentants di Whirlpool Emea e di Arcelik”. (A.D.G.) – 23.02.2023