Superbonus 110: sbloc dai credits e revision de misure cun proroghe di là dai 31 di Dicembar. Il fatôr timp al è fondamentâl, i prossims trê mês a saran critics. Lu à declarât Fabrizio Salomoni, coordenadôr nazionâl di Confcooperative Lavoro e Servizi e diretôr gjenerâl de cooperative CEA di Pasian di Prât
“Il fatôr timp al è fondamentâl, si percepìs tant pinsîr e inciertece par cui che al à di planificâ la proprie ativitât. Il Guvier al à di intervignî prin di dut sui credits blocâts e dopo su la revision de misure. Il coinvolziment des Associazions di categorie al è un fatôr impuartant par fâ i intervents atuabii e che a van daûr aes esigjencis des impresis. O vin bisugn di une proroghe par fâ lis pratichis autorizadis di là dai 31 di Dicembar dal 2023 viodût che lis cessions dai credits a son di fat blocadis, o tant sraridis, de Sierade dal an passât”. (A.D.G.) – 24.02.2023
