Cumierç a Udin: 100 impresis pierdudis in dîs agns

Intun contest internazionâl di dificoltât, cu la vuere in Ucraine dopo i agns de pandemie, ancje Udin e segne un progressîf sbassament des insegnis comerciâls. Daûr dai dâts dal Osservatori su la demografie di imprese intes citâts talianis di Confcommercio nazionâl, dal 2012 al 2022 il câl al è dal 17% intal cumierç dal centri storic (cuasi 100 impresis in mancul) e dal 12% inte aree no centrâl. A cressin, al contrari, i numars di albiercs, bar e ristorants: +2% in centri storic e +8% fûr. Se il confront si ferme al ultin an prime de pandemie, o sedi al 2019, il terziari al à tignût in sostance, ma cuntune tindince a sbassâsi, cun 30 impresis in mancul dal 2019 al 2022. (A.I.) – 27.02.2023