Om cjapât sot di troncs di len a Cosean

Un om di 79 agns di etât al è restât ferît chest dopomisdì par vie di un infortuni domestic intune frazion di Cosean. Par causis di sclarî, intant che al jere daûr a movi troncs di lens al è stât cjapât sot e al è stât sbalçât par un pâr di metris, evitant cussì che al restàs sfracaiât.

I infermîrs de Sores a àn inviât daurman sul puest l’ecuipaç di une ambulance di S. Denêl e l’elisocors, intant che di lis Vuardiis dal fûc a àn colaborât cul personâl sanitari.

Il pensionât al è stât assistût dai sanitaris e al è stât traspuartât in svol, cuntun traume lombâr, in codiç zâl, al ospedâl  Sante Marie de Misericordie di Udin. (A.D.G.) – 27.02.2023