Il ‘Bon’ al puarte la culture intes scuelis dal Comun di Tavagnà

La convenzion “Percorsi Culturali” che e ten dongje di timp il Comun di Tavagnà e la Fondazion Luigi Bon e je un esempli di rapuart tra public e privât che al à anticipât i timps. Se la part dedicade ai spetacui e à une sô visibilitât consolidade intal teatri di Culugne, la ativitât didatiche e ven fate de Fondazion in tantis classis des scuelis di Culugne, Felet, Dedeà e Tavagnà. Une ativitât penze, fate cui lengaçs de art par passâ barieris emotivis e cetant che mai preseade dal Istitût Comprensîf scolastic, che dopo la pandemie si cjate a gjestî situazions di malstâ che a puedin jessi morestadis in graciis dal mieç artistic. (A.I.) – 01.03.2023