Cunvigne pai ex arlêfs dal ‘Bearzi’

L’Istitût salesian dal Bearzi di Udin al promôf par domenie ai 5 la cunvigne anuâl dai ex arlêfs che intai diviers agns a àn frecuentât dutis lis sôs scuelis professionâls. Inte Assemblee di chest an, tacant des 10 di matine, al è previodût l’intervent dal president, Roberto Pistrino, e dal diretôr pre Lorenzo Teston, che a contaran lis ativitâts economichis e lis iniziativis di solidarietât fatis li dal orfanotrofi Salesian di Santa Cruz in Bolivie. Il program al previôt ancje une visite vuidade aes aulis didatichis, ai laboratoris e ae oficine dal Centri Formazion Professionâl e une messe, celebrade di pre Teston, in sufragji di ducj i ex arlêfs muarts. (A.I.) – 03.03.2023