A Pordenon un progjet par miorâ la scuele cui audiovisîfs

Dal Novembar passât e fin a Avrîl che al ven, al è in cors un progjet dal Centri Iniziativis Culturâls Pordenon intitulât “L’Acchiappasguardi”, cuntun miâr di students de provincie e un centenâr di insegnants cjapâts dentri inte alfabetizazion al lengaç cinematografic, audiovisîf e ai gnûfs mieçs. L’apontament prossim, martars ai 7 aes 5 dal dopomisdì intai gnûfs spazis de Cjase dal Student, al è cun Erica Barbiani, autore e produtore cinematografiche. “La eletricitât des storiis: tecnichis di storytelling par disvilupâ la idee di un cine” al è il titul (voltât par furlan) dal gnûf incuintri di chest progjet che, doprant audiovisîfs in classe, al vûl stiçâ canâi comunicatîfs simpri plui complès. (A.I.) – 06.03.2023