Un militâr di plui o mancul 45 agns di etât, dal Tierç Reziment Gjeni Vuastadôrs di stanzie a Udin, al è stât socorût cheste matine dentri de caserme Berghinz dopo jessi stât cjapât di un mâl grâf e daûr di un arest cardiocircolatori.
A intervignî daurman a son stâts trê siei coleghis che a àn clamât il 112. Daurman sul puest l’ecuipaç di une machine di emergjence mediche e chel di une ambulance, rivâts di Udin.
La infermiere de Sores e judât pas pas i socors, furnint dutis lis informazions necessariis e vuidant lis manovris di rianimazion inviadis dai coleghis che a àn impleât un defibriladôr disponibil in caserme. Il cûr dal militâr al è tornât cussì a bati.
I sanitaris rivâts in caserme dopo pôc timp a àn cjapât in cjame l’om che al è stât trasferît in codiç ros e cu la urgjence massime, al ospedâl Sante Marie de Misericordie di Udin. (A.D.G.) – 06.03.2023
