“La agriculture regjonâl tra cambiaments climatics e transizion ecologjiche”: si fevelarà di chest doman a Udin intun incuintri fra Confagricoltura e Aministrazion regjonâl. L’apontament al è intal Salon dal Parlament, intal Cjistiel di Udin, tacant des 2 e mieze dal dopomisdì.
Dopo dai salûts dal sindic di Udin, Pietro Fontanini, i intervents di Philip Thurn Valsassina, president di Confagricoltura Fvg; Massimiliano Giansanti, president nazionâl di Confagricoltura; Massimiliano Fedriga, president de Zonte regjonâl dal F-Vj e Stefano Zannier, assessôr aes Risorsis agroalimentârs dal Friûl-Vj.
Lis impresis agriculis a fasaran sintî la lôr vôs, sotlineant problemis e propuestis, dilunc di une taule taronde che e sarà sierade cu lis considerazions e i salûts dal onorevul Vannia Gava, sotsegretarie al Ambient e ae Sigurece energjetiche. (A.D.G.) – 06.03.2023
