La brigade di cavalarie Pozzuolo e celebre i 188 agns de sô fondazion. La ricorence de unitât dal Esercit e je stade memoreade cu la cerimonie di alcebandiere inte Place d‘Armis de caserme “Montesanto” di Gurize, dulà che al à sede il comant.
In presince dal vicecomandant de brigade, colonel Luca Franchini, des autoritâts citadinis e des associazions di combatiment e di arme e je stade memoreade la fondazion dai 7 di Març dal 1835 e al è stât let l’Ordin dal dì dal gjenerâl di brigade Massimiliano Stecca, comandant atuâl de “Pozzuolo”, impegnât inte operazion “Strade Sicure” al comant dal intropament Lazio-Abruzzo.
Costituide in principi dai reziments “Piemonte Reale Cavalleria”, “Genova Cavalleria” e “Aosta Cavalleria”, intal cors de Prime Vuere mondiâl e incuadrave i reziments “Genova Cavalleria” e “Lancieri di Novara”, e mitude dentri de prime division di Cavalarie “Friuli”, e jentrave inte storie militâr de Italie pe bataie di Puçui dai 29 e dai 30 di Otubar dal 1917. (A.D.G.) – 07.03.2023
