Gnovis stelis de musiche e savôrs tal Cjistiel di Susans

Daspò dal sucès de edizion passade, che e à vût protagonist Bob Sinclar, al torne “Sunset in the Castle – Cerçant il Friûl-Vignesie Julie”, une fieste al tramont che e met dongje il miôr de musiche internazionâl, la miôr gastronomie regjonâl e un lûc di sium, il Cjistiel di Susans. A son stâts anunziâts i grancj ospits musicâi de tierce edizion, in program ai 2 di Jugn, che si alternaran intun dopli ‘set’ musicâl ripiât dai drons e che si viodarà in direte streaming mondiâl. La stele assolude e sarà il Dj, discografic e produtôr talian Benny Benassi, amât in dut il mont, e la serade musicâl sarà vierte di un altri, une vore innomenât de musiche taliane, Samuel Roman,. Tant che intes edizions passadis, il public al varà mût di cerçâ i prodots des aziendis che a fasin part de vuide “La strade dal vin e dai savôrs”. (A.I.) – 09.03.2023