Poesie, viazadôrs e leterature in Badie

De poesie ae atualitât, des vitis dai grancj comandants e viazadôrs aventurôs dal passât ae creativitât contemporanie de art culinarie. A tachin di gnûf vinars ai 10, inte Badie di Rosacis, “I Colloqui dell’Abbazia. Il viaggio della carta geografica di Livio Felluga”, otave edizion dal circul leterari che al presente un calendari cun tantis novitâts intal segn dal viaç. La rassegne, nassude intal 2016, curade e condote di Elda Felluga e Margherita Reguitti, e viôt l’esordi de poesie, propit intal prin apontament, cu la presince di Gian Mario Villalta, autôr di “Dove sono gli anni”, jessût par Garzanti. (A.I.) – 09.03.2023