Dôs personis a son stadis socorudis cheste matine dopo di un incident stradâl sucedut a Salt di Paulêt, dilunc de ex provinciâl 104. L’impat tra une veture e un camion al è stât frontâl. Sul puest a son rivadis daurman dôs ambulancis che a vignivin di Udin e l’elisocors.
Une femine e je stade traspuartade in ambulance cul miedi dal elisocors al nosocomi de capitâl furlane, in cundizions gravis par un traume toracic, un traume cranic e la amputazion di un pît e un om cuntun traume toracic traspuartât in codiç zâl, simpri intal ospedâl Sante Marie de Misericordie di Udin.
Sul puest ancje i pompîrs intervignûts par tirâ fûr la feride de veture e meti in sigurece il trat di strade interessât dal incident. Rivâts ancje i carabinîrs che a àn fat i rilêfs. (A.D.G.) – 14.03.2023
