Tra lis prioritâts la Sanitât di meti a puest, la tutele ambientâl e la pression fiscâl su lis impresis
Sanitât di regolâ, ambient di tutelâ cu la transizion ecologjiche e lis rinovabilis, Irap di sbassâ no dome a un ciert gjenar di impresis, acompagnâ il disvilup e la cressite economiche cu la justizie sociâl. E soredut viertidure preferenziâl al dialic, al confront colaboratîf cu lis istituzions e ae ricercje concrete de soluzion ai problemis, cence cuistions ideologjichis. A son i obietîfs de Uil dal Friûl-Vignesie Julie, presentâts îr inte sede de Enfap a Triest dal segretari regjonâl UIL, Matteo Zorn, al governadôr Massimiliano Fedriga, impegnât inte campagne eletorâl pes regjonâls par un secont mandât. Compagnât dai segretaris regjonâi des categoriis, Zorn al à evidenziât cemût che, probabilmentri pe sô disposizion vierte, la UIL e à cjatât simpri scolte inte aministrazion regjonâl, ancje cuant che lis opinions a jerin diferentis, e e augure che chest rapuart di colaborazion al puedi continuâ in futûr. (A.D.G.) – 14.03.2023
