163
La Orchestre de Svuizare taliane e torne al Teatri Gnûf “Giovanni da Udine” vinars ai 17, dopo il conciert memorabil di viertidure de stagjon passade. Di cjase a Lugano, fra lis formazions sinfonichis plui cuotadis de Europe, e no dome, ancje in graciis dal carisme di Markus Poschner, diretôr principâl dal 2015, il grup elvetic al svante une grande programazion conciertistiche e colaborazions prestigjosis. Ospite de serade e sarà une violiniste di innomine straordenarie, Julia Fischer, aclamade in dut il mont pes sôs interpretazions insuperabilis, vincidore dome a undis agns dal concors internazionâl “Yehudi Menuhin” e vuê fra lis interpretis plui significativis dal grant repertori violinistic. (A.I.) – 16.03.2023
