Un pâr di alis par fâ svolâ lis feminis a Grau

Inte Isule di aur al va indevant il festival “Grado isola delle donne” cun scritoris, storichis, feminis imprenditoris e poetessis, protagonistis di incuintris, dialics, spetacui vierts al public par contâ la lote pai dirits des feminis e tant altri. Il festival, nassût par valorizâ e dâ vôs ae espressivitât e creativitât des feminis in ogni cjamp, chest an al va daûr dal teme “Lis feminis a san svolâ” e al previôt ancje un moment di art ‘dal vîf’ . Sabide ai 18, intal Campo Patriarca Elia, l’artist di strade Andrea Antoni, in art Style1, al piturarà cul nebulizadôr une instalazion cun sogjet un pâr di alis. (A.I.) – 17.03.2023