Une opare di art intal parc par onorâ lis vitimis inocentis des mafiis

In ocasion dai 21 di Març, la Zornade de memorie e dal impegn in ricuart des vitimis inocentis des mafiis, e je stade consegnade in maniere formâl ae comunitât di Gardiscje la opare “Rossella libera tutte” intal Parc public di Via Pian. Il progjet artistic realizât di Mara e Jacopo Fella, cu la colaborazion di Mattia Campo dall’Orto par Macross, al vûl fâ onôr a Rossella Cassini e aes feminis che a àn volût preservâ la sô memorie, in particolâr chês che si son impegnadis par cjatâ fûr une foto de zovine fantate vitime di mafie. La opare e rive prime de intitulazion uficiâl dal parc, previodude ai 23 di Mai, zornade de legalitât. (A.I.) – 20.03.2023