Infortuni par un om di 70 agns a Raussêt

Un om di plui o mancul 70 agns di etât al è stât socorût intal prin dopomisdì di vuê pes feridis ripuartadis dopo jessi svuelât jù de cuviertidure di un capanon inte zone produtive di Raussêt, intal teritori di Sant Zorç de Richinvelde.

I infermîrs de Sores a àn inviât sul puest la ambulance di Spilimberc e l’elisocors che al à traspuartât l’infortunât al ospedâl Sante Marie de Misericordie di Udin in codiç zâl. (A.D.G.) – 20.03.2023