151
Al festival “Dedica”, in program a Pordenon, al è il moment di “Riparare i viventi”, une storie fuarte e comovente, forsit il libri plui dûr mai scrit sul teme dal traplant dai orghins, che e à fat cognossi Maylis de Kerangal intal mont cun ben 60 traduzions. Il festival al decline la opare de autore protagoniste in variis espressions artistichis e in chest câs al à sielt il cine: chel dal 2016 di Katell Quillévéré, cul stes titul dal libri, cun Emmanuelle Seigner, che al sarà presentât martars ai 21 a Cinemazero aes 8.45 sot sere. La proiezion e sarà acompagnade dal coment de scritore francese, pe ocasion dongje di Paolo Di Paolo, gjornalist, scritôr e condutôr su Rai Radio 3. (A.I.) – 20.03.2023
