Al Palamostre si celebre une ‘prime’ mondiâl di 99 agns indaûr

Il program dal conciert che i Amîs de Musiche di Udin a proponin miercus ai 22 al Palamostre, des 19.22 (o sedi, tant che il 1922, l’an di nassite), al va dai classics ae musiche dal dì di vuê, viazant tra pagjinis lirichis e la musiche di cjamare. L’apontament al segne un altri moment impuartant dal rapuart tra la citât e la musiche: il nonantesim novesim aniversari de prime mondiâl di “Il Tramonto” di Ottorino Respighi, di lui stes direte a Udin intal Març dal 1924. La serade, inmaneade in colaborazion cu la Societât taliane di musiche contemporanie, e viodarà sul palc l’Ensemble Brunier Lucca, cu la sopran Maria Bruno, par esplorâ i lengaçs musicâi dal Nûfcent e de musiche contemporanie. (A.I.) – 21.03.2023