Al è rivât il moment dai premis pal cine di mont

Ultin apontament de trentesime seconde edizion di “Alpi Giulie Cinema”, rassegne inmaneade de associazion culturâl Monte analogo. Joibe ai 23, des 6 dal dopomisdì, li dal bar librarie Knulp di Triest, apontament cu la “Scabiosa Trenta”, un premi ispirât intal non ae rose alpine imagjinarie cirude dal alpinist Julius Kugy. Risiervade aes produzions cinematografichis a teme mont, fatis di autôrs des regjons alpinis dal Friûl-Vignesie Julie, di Slovenie e Carinzie, la manifestazion e proponarà chest an cinc produzions de nestre regjon e de Slovenie sieltis de jurie. (A.I.) – 22.03.2023