La Zornade de poesie e dure une setemane a Triest

Si sierarà domenie ai 26, cu lis premiazions dal concors internazionâl “Cjistiel di Duìn” a Cenejeste Olgens, Adnan Bajrović e Evis Martinez, la Fieste de poesie e de leterature, propit inte setemane de Zornade mondiâl de poesie, cun 400 tra autôrs zovins e students che a rivin a Triest di tancj paîs dal mont. Si tache vinars ai 24 intal ricuart di Gabriella Valera Gruber, ideadore dal concors, cu la inaugurazion de mostre fotografiche che e met adun i clics realizâts dai autôrs zovins di dut il mont, acompagnâts di viers poetics. Inte stesse zornade al vignarà presentât il gnûf romanç dal scritôr e poete Giancarlo Micheli “Esposizione dell’amore”, jessût par Campanotto. (A.I.) – 22.03.2023