Fieste pai 45 agns di Cinemazero

Cinemazero al fâs 45 agns: tancj a son passâts di cuant che il schermi dal ex Cral di Tor, a Pordenon, si è iluminât pe prime volte cu lis imagjins di “Gangster Story” di Arthur Penn. Par fâ fieste, vinars ai 24, aes 6 e mieze dal dopomisdì in Sale Ellero a Palaç Badini, al sarà organizât un incuintri speciâl cun Paolo Mereghetti, gjornalist e critic cetant innomenât pal sô “Dizionario dei film”, che al dialogarà cun Piero Colussi e Paolo D’Andrea. La fieste e va indevant in sale, sabide ai 25, cul cine conciert “Show people” dal 1928, e a miezegnot “The Rocky Horror Picture Show”, une misture iresistibile di comedie e orôr. (A.I.) – 23.03.2023