A Buri si sparagne cu lis lûs a Led

“Gnove lûs” su Buri in graciis di un plan di setôr comunâl su la iluminazion publiche, che e permet di proponi ancje soluzions buinis par planificâ e gjestî miôr l’implant. In gracie ancje di un fonts regjonâl, al è stât elaborât un plan che al à censît i implants di iluminazion: il 90% a son a Led, in graciis dai lavôrs fats intal periodi 2010-16. Tradot in tiermins di sparagn energjetic, di un consum di 327 mil kWh tal 2013 si è passâts a 203 mil intal 2021, cuntun consum energjetic che al è juste la metât de medie nazionâl: 50 kWh par abitant cuintri 100. Lant daûr dal ‘plan de lûs’, un strument cetant impuartant di programazion, fat obligatori di une leç regjonâl, par gjestî cumò al miôr i implants e evitâ l’incuinament luminôs, al reste un centenâr di lampadis di cambiâ. (A.I.) – 27.03.2023