La citât ideâl e je ‘daûr i nûi’

“La città ideale” al è il titul dal gnûf progjet culturâl de associazion Opera Viva, che e cjape ispirazion dal cine curt di Pier Paolo Pasolini “Che cosa sono le nuvole?”, une piçule opare mestre sul teme de esistence frontât in mût visionari. Il progjet si tache ae poetiche di Pasolini par meti in sene, intune version riviodude e contemporanie, traviers diviersis modalitâts espressivis (mostre, video filmât, spetacul), la cuotidianitât e la visionarietât, sgjavant su temis di ambits diviers. A vierzi il calendari dai avigniments, in program fin a Jugn, la mostre dal titul “Oltre le nuvole”, che e sarà screade joibe ai 30, aes 11 di matine, al museu civic Sartorio di Triest, cuntune conference dal astronom Sergio Monai. (A.I.) – 28.03.2023