Il Bed & Breakfast “Enjoy” di Monfalcon, trasformât in alcove, al è stât mitût sot secuestri de Polizie di Stât su decision dal Gip dal Tribunâl di Gurize. Il fat al è sucedût ai 16 di Març, ma la gnove e je stade dade dome vuê. Il va e ven continui dal locâl, inte zone pedonâl dal centri di Monfalcon, al à atirât la atenzion dai poliziots che a àn scomençât lis investigazions intal 2022. La posizion strategjiche e la riservatece dal proprietari, che al sopuartave la ativitât, lu vevin fat mete favoride dai clients di prostitudis e trans. La ativitât e je stade publicizade ancje su cualchi sît web “specializâts”. I clients a vevin par telefon indicazions e, rivâts dongje dal B&B, ancje un codiç par vierzi la puarte di jentrade.
Lis tarifis a svariavin, daûr la prestazion ufierte, dai 50 ai 100 euros. Pe stanzie, invezit, si paiave 50 euros al dì. Dilunc dal secuestri a son stadis identificadis dôs escort forestis di origjin sudamericane, che a ocupavin dôs stanziis separadis, intant che il titulâr de struture al è stât denunziât. A son in cors altris investigazions. (A.D.G.) – 30.03.2023
198
