Il Palaçut sede de Associazione Sportiva Udine al sarà clamât di cumò indenant PalaPrexta, dopo l’inviament de colaborazion cu la societât Prexta Spa, part dal Grup bancjari Mediolanum. La sponsorizazion e larà indenant fin a dut il 2025. In chest timp la societât, che sul teritori e je rapresentade de Pittilino Srl, e judarà la Asu e i siei atletis.
Il tai de curdele pe gnove titulazion e je stade fate inte matinade di vuê in presince di Salvatore Ronzino, Aministradôr delegât di Prexta Spa e Massimiliano Pittilino, titulâr de Pittilino Srl. Pe ocasion a son intervignûts, intune cul president de Asu, Alessandro Nutta, e al diretôr gjenerâl, Nicola Di Benedetto, ancje il president dal Consei regjonâl de Regjon Friûl- Vignesie Julie, Piero Mauro Zanin, il sindic di Udin, Pietro Fontanini, e l’assessôr al Sport, Antonio Falcone. (A.D.G.) – 31.03.2023
