Cors di lenghe furlane pai dipendents de Aministrazion publiche

Ancje pal 2023 il Centri interdipartimentâl pal svilup de lenghe e de culture dal Friûl (CIRF) de Universitât dal Friûl al torne a proponi i siei cors gratuits di lenghe furlane indreçâts ai dipendents de Aministrazion Publiche e inmaneâts in gracie dai fonts de leç 482 dai 15 di Dicembar dal 1999, pe tutele des “minorancis linguistichis storichis”. Pe session de Vierte a son in program doi cors, un di nivel di base, dai 12 di Avrîl ai 22 di Mai, e un di nivel intermedi o avanzât dal 1n di Jugn ai 6 di Lui. Ducj i doi i cors a son dividûts in 10 incuintris su la plateforme informatiche “Microsoft Teams”, tai dopomisdîs di lunis e di miercus. Ae fin dal percors formatîf al è previodût un esam, di mût di stazâ lis competencis cjapadis sù. Ai corsiscj che a passaran la prove finâl e che a varan frecuentât almancul l’80% des oris ur vignarà dât un atestât di frecuence. (A.I.) – 03.04.2023