Incident grâf sul lavôr a Codroip

Un gnûf incident sul lavôr al è sucedût inte matine sul tart di vuê, cheste volte inte ex polvariere Mangiarotti a Codroip. Doi operaris di 55 e 58 agns a son restâts ferîts intant che si cjatavin dentri de cabie di un camion, che e je stade centrade di une pesante trâf di ciment disbletade dal cuviert dal edifici, dopo jessi stade colpide dal braç di une grue in moviment.

I doi, dipendents di une dite di Padue, a son restâts blocâts dentri dal mieç e a son volûts cuarantecinc minûts par diliberâju. Ducj i doi ferîts, un al è stât elitraspuartât in cundizions gravis al ospedâl di Udin, chel altri simpri al Sante Marie de Misericordie, in ambulance. (A.D.G.) – 05.04.2023