Un premi pai zovins che a vuelin lavorâ intal cine

A son ancjemò pôcs dîs par partecipâ ae decime cuarte edizion dal Premi internazionâl pe senegjature “Mattador” par aspirants senegjatôrs, regjiscj e professioniscj dal setôr dal cine dai 16 ai 30 agns. I progjets a van presentâts dentri de miezegnot dai 15 di Avrîl, in rêt su https://iscrizioni.premiomattador.it. I fantats che a àn vinçût lis borsis di formazion de ultime edizion dal premi – dedicât a Matteo Caenazzo, un zovin triestin student di cine, muart di leucemie a dome 23 agns -, si son cjatâts sot de vuide dai tutôrs pe part conclusive dal percors formatîf, dedicât al disvilup dai propris progjets. (A.I.) – 06.04.2023