“Podê” e je la peraule clâf de decime novesime edizion dal festival “Vicino/lontano”, in program a Udin di miercus ai 3 a domenie ai 7 di Mai, cun avigniments di anteprime za de fin de setemane prime. Otante i apontaments in program, tra confronts, incuintris, concierts, mostris, spetacui e proiezions, cun 200 personalitâts dal mont des siencis, de leterature, de art, dal spetacul e de informazion. La serade di premiazion dal vincidôr dal Premi leterari internazionâl “Tiziano Terzani” e sarà, compagn di ogni an, il moment centrâl dal festival, e e je in program sabide ai 6 al Teatri Gnûf “Giovanni da Udine”. Il vincidôr al vignarà anunziât di Angela Terzani, president de jurie dal Premi, miercus ai 12 di Avrîl. (A.I.) – 06.04.2023
Foto di Luca d’Agostino
