Al è grâf l’om involuçât in cjase des flamis

Al è stât puartât in svol vie pe gnot al ospedâl di Cesena l’om di 42 agns restât brusât inte serade di îr par une tornade di flame che si è verificade intune abitazion dal centri di Glemone.

Socors dal ecuipaç di une ambulance di Glemone e dal elisocors, l’om al è stât traspuartât intun prin timp al ospedâl Sante Marie de Misericordie di Udin. Intal nosocomi de capitâl furlane, viodude la gravitât des ustions, al è stât decidût il trasferiment in svol al Centri grancj ustionâts di Cesena.

Une femine di 42 agns plui o mancul, ce che si cjatave cun lui in chel moment, e je stade traspuartade in maniere precauzionâl al ospedâl di Tumieç. (A.D.G.) – 07.04.2023