152
La Polizie di Pordenon e ufrìs ae citât un conciert de Fvg Orchestra, in ocasion dal 171m aniversari de fondazion de Polizie di Stât. Miercus ai 12, aes 8.30 sot sere sul palc dal “Teatri Verdi”, la Orchestre direte di Paolo Paroni e sunarà un program di grant presi, vierzint la serade cul Conciert par violin e orchestre di Čajkovskij, insiemi al zovin e talentuôs violinist furlan Christian Sebastianutto, che al à sunât in dute Italie, in Europe e intal mont, ancje pal Pape emerit Benedet XVI, intun conciert regjistrât de Radio Vaticane. Il conciert a Pordenon al è a jentrade gratuite, fin a che no son finîts ducj i puescj. Inte matinade, simpri al Teatri “Verdi” des 11, la part istituzionâl dal avigniment. (A.I.) – 11.04.2023
