Al va a Zerocalcare, alias Michele Rech, pal so libri a fumets “No sleep till Shengal”, la decime novesime edizion dal premi leterari internazionâl “Tiziano Terzani”, il ricognossiment istituît e promovût de associazion culturâl vicino/lontano di Udin, intune cu la famee Terzani, intal non dal gjornalist e scritôr florentin. Lu à anunziât la presidente di jurie, Angela Terzani Staude, la femine di Tiziano. “Zerocalcare – si lei inte motivazion – al consegne un servizi iresistibil fin de prime pagjine, fin dal prin fumet, che al à dentri za un univiers di pinsîrs, une vision origjinâl dal mont”. In graciis de sô conte di un viaç fat inte Vierte dal 2021 intal Nord dal Irak, buine di rivâ ai zovins e a chei mancul zovins cuntun lengaç contemporani, Zerocalcare al cjaparà il Premi sabide ai 6 di Mai li dal Teatri Gnûf di Udin. (A.I.) – 12.04.2023
257
