Ancje un pilote di 73 agns in gare pe Verzegnis-Siele Cjalçutan

A saran 122 i pilotis de cincuantesime seconde edizion de Verzegnis-Siele Cjalçutan, la cronoscjalade, inmaneade de Asd E4run, e je in program di vinars ai 14 a sabide ai 16 di Avrîl. La gare e torne dopo un an di assence e une edizion a puartis sieradis, di gnûf in presince dal public. Tra i vuidadôrs al spiche Diego Degasperi, il favorît de gare, za grant protagonist in Friûl-Vignesie Julie, dulà che al à vinçût par trê voltis la Cividât-Madone di Mont e soredut lis ultimis dôs edizions de corse. Cumò al smire chel sucès che nol à mai celebrât ae Siele Cjalçutan. Ae vuide des 99 veturis modernis in gare (intant che lis veturis storichis che a laran sù dilunc il percors di 5,640 chilometris a saran 23), a son pilotis tant che Michele Massaro, Paolo Deotto e Alessandro Romoli e l’eterni Marietto Nalon, un furlan che a 73 agns al torne dongje dal vie cul numar 3. (A.I.) – 12.04.2023