Rome, Milan, Florence, Vignesie, Ancone, Turin, Bari, Bressie, Bergamo, Pise, Lecce e ancje Pordenon: a son chestis lis citâts talianis dulà che a rivin i tentacui de mafie albanese.
A afermâlu e je une serie di dâts che Altin Dumani, cjâf de Spak, la procure speciâl albanese cuintri la criminalitât organizade e la coruzion, al à condividût cu lis autoritâts talianis.
Stant aes rivelazions dal cuotidian La Repubblica, di chescj dâts “al salte fûr che i grups albanês a colaborin cui clans o lis mafiis talianis”. Lis investigazions sui clans albanês in Italie “a rivuardin prin di dut il trafic di droghe, il ricicli di bêçs, il trafic di oms, la imigrazion ilegâl e lis fraudis informatichis”, al sclarìs il magjistrât.
Il suspiet al è che chestis ativitâts si fasin “in diviersis citâts e tra chestis e je ancje Pordenon. (A.D.G.) – 12.04.2023
