A àn robât lis batariis di dôs antenis telefonichis de Wind, une a Pradaman e une a Udin, in viâl 23 di Març 1848. Par chest Clemente Fusco, casertan di 54 agns, e Marco Avigliano, padoan di 47 agns, a son stâts condanâts in prin grât dal judiç dal Tribunâl di Udin Mauro Qualizza a un an e vot mês di reclusion ognidun.
Lis robariis a rimontin a Setembar dal 2021. Daûr des acusis, i doi, esperts dal setôr, a àn doprât une clâf universâl par vierzi la cabine des antenis e puartâ vie lis batariis, causant dams par cualchi miâr di euros. La azion e je stade svelte, ma i doi no son nacuarts des telecjamaris di vigjilance dal supermarcjât dongje de antene di Udin. Des imagjins i carabinîrs a son rivâts a rimontâ al furgon doprât pe fuide e duncje ae lôr identitât. Dilunc dal procès, a rapresentâ la aziende telefoniche al è stât l’avocat Grazia Volo di Rome, sostituide dal coleghe di Udin Patrizio Paolo Palermo. (A.D.G.) – 13.04.2023
