Udin: ultimis oris par sielzi il gnûf sindic

Ultimis oris a Udin par sielzi il gnûf sindic. In corse il prin citadin dai ultins cinc agns, Pietro Fontanini, sostignût dal centridiestre, e Alberto Felice De Toni, il candidât dal centriçampe. Il Servizi eletorâl de Regjon al à comunicât la percentuâl di afluence de prime zornade di balotazion: aes 11 di sere, l’orari di sierade, a jerin lâts a votâ plui o mancul in 29 mil su 80 mil: il 36%, in calâ a pet di dôs setemanis indaûr. I seçs, atîfs vuê des 7 di matine, a saran vierts fintremai aes 3 dal dopomisdì: lis operazions di scrutini a scomençaran daurman. (A.I.) – 17.04.2023