L’alarme lançât di une persone che e veve viodût un estrani jentrâ intun condomini al jere partît in plene gnot, tor lis cuatri di gnot di vinars ai 14 di Avrîl. L’om, ae viste dai agjents, al è scjampât daurman, ma al è stât fermât pôc dopo dongje dal teatri. Al è un citadin gjeorgjian di 31 agns, cjatât cun intor ducj i imprescj necessaris: menevîts, une piçule torce eletriche, tocs di plastiche par vierzi lis sieraduris e une canele di cole che cun chel il malvivent, arestât de polizie vinars passât, al veve prime “segnât” dutis lis puartis di jentrade dai varis apartaments di un condomini di vie San Valentino a Udin.
Dai aciertaments fats, al è vignût fûr che il forest al jere za stât butât fûr de Italie. Arestât, a son stâts metûts sot secuestri i imprescj di rompiment, une biciclete e 100 euros, salacôr robâts pôc prime. Intai siei confronts, vuê il Jip al à decidût la custodie cautelâr in preson. (A.D.G.) – 17.04.2023
